९ मंसिर, काठमाडौं । नेकपा माओवादी केन्द्रले ‘गणतन्त्र सेनानी सम्मान’ कार्यक्रम स्थगित गरेको छ ।

गणतन्त्र सेनानी कोषका अध्यक्ष सरल सहयात्रीले सम्मान कार्यक्रम स्थागित भएको जानकारी दिए । उनका अनुसार पार्टीको केन्द्रीय सदस्य, जनमुक्ति सेनाको पूर्वब्रिगेड कमिसार, संविधानसभा सदस्य तथा पूर्वभौतिक योजना राज्यमन्त्री पदमबहादुर राईको निधन भएकोले कार्यक्रम स्थागित गरिएको हो ।

‘२०८१ मंसिर ८ गते भएको असामयिक निधनका कारण हामी सबैलाई शोकाकुल बनाएको छ । यस दु:खद् घडीमा हामीले आदरणीय कमरेडप्रति श्रद्धा र सम्मान व्यक्त गर्दै आज मंसिर ९ गते १२ बजेबाट गरिने तय भएको (गणतन्त्र सेनानी) सम्मान कार्यक्रमलाई स्थगित गरिएको छ’, अध्यक्ष सहयात्रीले जानकारी दिए ।

पार्टीबाट गणतन्त्र स्थापनामा योगदान गरेको भन्दै माओवादीले १५ जनालाई ‘गणतन्त्र सेनानी’बाट सम्मान गर्न लागेको थियो । सम्मानित हुनेहरुमा शहीद तथा बेपत्ता परिवार, घाइते/अपाङ्ग र तत्कालीन चार डेपुटी कमाण्डरहरु थिए ।